東蒲胡李名靜體育館｜商台製作、寰亞娛樂主辦、堅持搖滾叱咤 903 《YEAHS Near Perfection Concert 2025》：阿占與何兆基相隔兩年「完美」合體

活動簡介

由叱咤 903 DJ 阿占與何兆基（Chris）組成的 YEAHS，繼《When We Were Wild Live 2023》後再度合體，今年 6 月將於東蒲胡李名靜體育館，舉行由商台製作、寰亞娛樂主辦、叱咤 903堅持搖滾的《YEAHS Near Perfection Concert 2025》。YEAHS 今年將會推出首張專輯《大致上完美》，收錄兩年來精心製作的 10 首歌曲。而今次演唱會將會延續《大致上完美》的主題，並特別為一眾爺絲（YEAHS 粉絲暱稱）送上 4 大驚喜，包括：「Early entry / Sound Check Party」，樂迷可提早在晚上 7 時 15 分參與 Sound Check 環節，並欣賞獨家 MINI MOVIE [YEAHS’ One Day]，同時可優先購買 YEAHS 首張限量大碟。YEAHS 更會破天荒邀請一眾爺絲即場灌錄新歌，一齊堅持搖滾，讓 YEAHS 的專輯達致「完美」。

阿占透露今次 YEAHS 專輯《大致上完美》及演唱會的由來：「我哋（YEAHS）曾經好堅持話每年都要開騷，上年就攪到自己精神好緊張，跟住覺得『大致上完美』都得啦，啲嘢唔使做到完美，唔使迫死自己，而家心情輕鬆好多，同時成就咗呢個《大致上完美》嘅 project。我希望大家放低對完美嘅執著，尤其係我呢啲水瓶座，成日都諗咩叫完美，好似大家都會覺得八月十五嘅月亮先係 perfect 同最圓，其實七月十五睇都差唔多。」阿占同時預告今次演唱會除了演繹 YEAHS 的作品，亦會揀選野仔時期的歌曲，以及為林一峰及其他人填詞的歌曲，並邀得樂隊 Locksmiths 開鎖佬擔任開場嘉賓。

身在加拿大的 Chris 亦自爆二人每次開騷，都會發生「大致上完美」的搞笑「甩碌」事：「試過喺沙灘音樂騷嗰日遇上狂風暴雨，所以我喺表演前著咗對人字拖，點知到達場地已經天清氣朗，但我唔記得咗換鞋，成個騷都著住拖鞋！又試過係加拿大轉機去表演前，俾阿占淋橙汁落條褲度，當時得負十幾度，好彩有機場人員幫我拎行李出嚟先有褲換，如果唔係就凍死！希望今次嘅演唱令人十分期待這次演唱會於爺絲一同創造更多特別經歷。」